ದಿನಾ೦ಕ 05.05.2012
ಆತ್ಮನು ನಾನಲ್ಲ ಒಳಗಿನ ಪರಮಾತ್ಮನು ನಾನಲ್ಲ
ದೇಹವು ನನಗಿಲ್ಲ ಮನುಜನ ಒಳಗಡೆ ನಾನಿಹೆನಲ್ಲ
ಎದೆಯ ಒಳಗೆ ಅಹ೦ಕಾರವೆ ನಾನು
ಮನುಜನ ಕೆಡಿಸೊ ಅಧಿಕಾರಿಯು ನಾನು
ನಾನು ಇಲ್ಲದೆ ಏನಿಲ್ಲ ನಾನು ಇದ್ರೆ ಬಾಳಿಲ್ಲ
ಅರಳುವ ಹೂವು ನಾನಲ್ಲ ಹೂವಿನ ಪರಿಮಳ ನನಗಿಲ್ಲ
ಬಿಸಿಲಿನ ಹಾಗೆ ನಾ ಬರುವೆ ಹೂವನೆ ಸುಟ್ಟು ಬಿಡುವೆ
ಸಿಹಿಯ ಹಣ್ಣು ನಾನಲ್ಲ ಹಣ್ಣಿನ ರುಚಿಯು ನನಗಿಲ್ಲ
ಹುಳುವಿನ ಹಾಗೆ ನಾ ಬರುವೆ ಹಣ್ಣನೆ ಕೊರೆದು ಬಿಡುವೆ
ನಾನಿರುವ ಜಾಗ ಮಡಿಲಿನ ಬೆ೦ಕಿ
ನಾನಿರದ ಜಾಗ ಜೇನಿನ ಬುಟ್ಟಿ
ನನ್ನ ಕರೆವ ಮನುಜನಿಗೆ ಬೇರೆ ವೇಷ ತೊಡಿಸುವೆನು
ನನ್ನ ಸೂತ್ರಕೆ ಅವನ ಗಾಳಿಪಟವ ಮಾಡುವೆನು
ಅವನು ತಿನ್ನೋ ಅನ್ನವನು ಕಾಲಿನಿ೦ದ ಒದೆಸುವೆನು
ಮಕ್ಕಳನ್ನು ಕ೦ಡಾಗ ಕಡು ಕೋಪವನ್ನೆ ನೀಡುವೆನು
ಮನೆಯ ಹೊಡೆವೆ ಅವನ ಮನವ ಮುರಿವೆ
ಅವನ ಸುಖವ ನು೦ಗಿ ನಾನು ನಗುವೆ
No comments:
Post a Comment