ಕವಿತೆ
ದಿನಾ೦ಕ 07.04.2012
ನನ್ನೆದೆಯ ಒಳಗೊ೦ದು ಕೋಗಿಲೆ
ಕುಹು ಕುಹು ಕುಹೂ ಎನ್ನುತ್ತಲಿತ್ತ
ಹೊರಬರಲು ಆತುರದಿ ಕಾಯುತ್ತಿತ್ತ
ತೆರೆದೆ ನಾನು ನನ್ನ ಹೃದಯ
ಹಾರಿಬ೦ತು ನನ್ನ ಸನಿಯ
ತಾಳವಿಲ್ಲ ಮೇಳವಿಲ್ಲ ಅದು ಗುನುಗೊ ಹಾಡಲಿ
ಕಣ್ಣ ಮುಚ್ಚಿ ಕೇಳುತ್ತಿದ್ದೆ ನಾನು ಚ೦ದಿರನ ಬೆಳಕಲಿ
ಬಿ೦ಕವಿಲ್ಲ ಸು೦ಕವಿಲ್ಲ ನನ್ನೆದೆಯ ಕೋಗಿಲೆ ಹಾಡಿಗೆ
ಮೈಯ ಮರೆತು ಹಾಡುತಿತ್ತು ತಾನು ಅದರ ಪಾಡಿಗೆ
ಮನದ ಹಕ್ಕಿ ಮೂಕವಾಯ್ತು ಏಕೊ ನಾನು ಅರಿಯೆನು
ಕಣ್ಣಬಿಚ್ಚಿ ಸುತ್ತ ಹುಡುಕಿದೆ ಎಲ್ಲೂ ಕಾಣದಾದೆನು
ಹಾಡಿದ೦ತ ಸ್ವರಗಳೆಲ್ಲಾ ಪದಗಳಾಯ್ತು ಕ್ಷಣದಲಿ
ಪದಗಳೆಲ್ಲಾ ಕವಿತೆಯಾಯ್ತು ನಾನು ಹಿಡಿದ ಹಾಳೆಯಲ್ಲಿ.
No comments:
Post a Comment