ಕನ್ನಡ ಬಾವುಟ

                                             ಕನ್ನಡ ಬಾವುಟ                                  ದಿನಾ೦ಕ 27.04.2012



                                                ಕನ್ನಡ ಬಾವುಟ ಹಾರಿಸುವೆ
                                                ಸಿರಿಗನ್ನಡ ದೇವಿಗೆ ವ೦ದಿಸುವೆ
                                                ಕನ್ನಡ ಮಣ್ಣನು ಪೂಜಿಸುವೆ
                                                ಸಿರಿಗನ್ನಡಕ್ಕಾಗಿ ಬಾಳುವೆ

                                                 ಕನ್ನಡವೆ೦ದರೆ ನನ್ನೀ ಹೃದಯಕೆ ಅಮೃತ ಸುರಿದ೦ತೆ
                                                 ಸಿರಿಗನ್ನಡವೆ೦ದರೆ ಬೆಳಕು ಹರಿದು ಕತ್ತಲು ಸರಿದ೦ತೆ
                                                 ಕನ್ನಡ ನಾಡ ಏಳಿಗೆಗಾಗಿ ನನ್ನ ಪ್ರಾಣವನ್ನೆ ಮುಡಿಪಿಡುವೆ
                                                 ನನ್ನೀ ಎದೆಯಲಿ ಕನ್ನಡ ಕಹಳೆಯ ನಿತ್ಯವೂ ಮೊಳಗಿಸುವೆ
                                                 ನಾಡಿಗೆ ಕೇಡನು ಬಯಸುವರೆದೆಗೆ ಸಿಡಿಗು೦ಡು ನಾನಾಗುವೆ

                                                 ಕನ್ನಡ ಮಣ್ಣಲಿ ಕೋಟಿ ದೇವರ ಪಾದದ ಸ್ಪರ್ಶವಿದೆ
                                                 ಕನ್ನಡ ಮಣ್ಣಲಿ ಸ್ನೇಹದ ಬೆಳೆಯನ್ನು ಬೆಳೆಯುವ ಸತ್ವವಿದೆ
                                                 ಕನ್ನಡ ನೆಲದಲಿ ಬಾಡದ ಹೂಗಳು ಚರಿತೆಯ ಪುಟದಲ್ಲಿವೆ
                                                 ಸಿರಿಗನ್ನಡ ದೇವಿಯ ಪಾದಕೆ ಪ್ರಾಣವ ಅರ್ಪಿಸಿ ನಗುತ್ತಲಿವೆ
                                                 ಅಳಿದರು ಉಳಿದರು ಕನ್ನಡ ನಾಡಿಗೆ ನನ್ನೇ ಅರ್ಪಿಸುವೆ