ಇ೦ಗ್ಲೀಷ್ ಕಲಿತೆ ಇ೦ಗ್ಲೀಷ್ ದಿನಾ೦ಕ; 30.03.2012
ಇ೦ಗ್ಲೀಷ್ ಕಲಿತೆ ಇ೦ಗ್ಲೀಷ್
ನಾನ್ ಇ೦ಗ್ಲೀಷ್ ಕಲಿತೆ ಇ೦ಗ್ಲೀಷ್
ಕನ್ನಡ ತೇರನು ಎಳೆದುದು ಆಯ್ತು
ಇ೦ಗ್ಲೀಷ್ ರೈಲನು ಬಿಡುವೆ, ಅದಕೆ
ಇ೦ಗ್ಲೀಷ್ ಕಲಿತೆ ಇ೦ಗ್ಲೀಷ್
ಕನ್ನಡದಲ್ಲಿ ಅಮ್ಮನ ನಾನು ಅಮ್ಮ ಎನ್ನಲಾರೆ
ಅವಳು ಆಡುವ ಜೋಗುಳ ಲಾಲಿಯ ನಾನ್ ಇ೦ಗ್ಲೀಷ್ನಲ್ಲೇ ನುಡಿವೆ
ನನ್ನ ಕೈಹಿಡಿದವಳ ಕನ್ನಡದಲ್ಲಿ ಹೆ೦ಡತಿ ಎನ್ನಲಾರೆ
ಅವಳು ನುಡಿವ ಸವಿಮಾತನ್ನ ನಾನ್ ಇ೦ಗ್ಲೀಷ್ನಲ್ಲೇ ನುಡಿವೆ
ಏನೇ ಆಗಲಿ ಏನೇ ಹೋಗಲಿ ನಾನ್ ಇ೦ಗ್ಲೀಷನ್ನೇ ನುಡಿವೆ
ನಾನ್ ಇ೦ಗ್ಲೀಷನ್ನೇ ನುಡಿವೆ
ಅರಳಿದ ಮಲ್ಲಿಗೆ ಹೂವಿನ ಎದೆಗೆ ನಾನ್ ಇ೦ಗ್ಲೀಷ್ ಕ೦ಪನು ಸುರಿವೆ
ಹೂವನು ಮುಡಿದ ಹೆಣ್ಣಿನ ಬಾಯಲಿ ಇ೦ಗ್ಲೀಷ್ ಪದವನು ನುಡಿಸುವೆ
ಹೂವನು ಕ೦ಡು ಹಾರುತ ಬರುವ ದು೦ಬಿಯ ಬಳಿಗೆ ಕರೆವೆ
ಅದಕೂ ಇ೦ಗ್ಲೀಷ್ ಜೇನನು ತಿನಿಸಿ ಇ೦ಗ್ಲೀಷ್ ಪದವನು ಕಲಿಸುವೆ
ಏನೇ ಆಗಲಿ ಏನೇ ಹೋಗಲಿ ನಾನ್ ಇ೦ಗ್ಲೀಷನ್ನೆ ನುಡಿಯುವೆ
ನಾನ್ ಇ೦ಗ್ಲೀಷನ್ನೇ ನುಡಿಯುವೆ
No comments:
Post a Comment